رسالة لطارق شوقي وزير التربية والتعليم


كتب : محمد سعيد
غلق السناتر مش الحل .. سد إذنك عن أصحاب الحناجر الهدامه كدابين الزفه الطبالين بدون علم لاتهدم جيل.

قبل القرار وفر لأبنائنا الطلاب البديل فى مجموعات تقويه داخل المدارس بسعر رمزى مش الدروس الاونلاين بتاعت الحكومه اللى هتكلف الماده 100 جنيه يبقى عملنا ايه ؟

فى طلبه فى القرى لايوجد عندهم إنترنت
ياسياده وزير التعليم أبحث اولا عن المستفادين من هذا القرار الصادم الهدام
أبحث دائماً داخل الوزارة عن المستفادين بجد إللى ناهبين المدرسين الغلابة وبيحسبوا حوافزهم ومكافآتهم على أساسى 2014والخصومات على أساسى 2020.

المستفادين بجد إللى بيعطوا مكافأة الإمتحانات لبهوات الوزارة إللى قاعدين فى المكاتب المكيفة مأنتخين لا شغلة ولا مشغلة 900 يوم والمدرسين إللى طالع عينهم فى المدارس 200 يوم.
المستفادين بجد إللى مش عايزين يعينوا عمال فى المدارس بحجة الميزانية لا تسمح وبيخلوا مدير المدرسة والمدرسين يدفعوا أجر العامل من جيوبهم كل شهر،
المستفادين بجد بتوع هيئة الأبنية التعليمية إللى بينهبوا كل سنة ملايين بحجة الترميم فى مدارس متهالكة آيلة للسقوط ولا يوافقون فى هدم هذه المدارس وبنائها علشان حنفية السرقة تفضل مفتوحة لهم.
المستفادين بجد إللى سربوا امتحانات الثانوية العامة وليسوا المدرسين إللى تحملوا غلطتهم فى مراقبة أيام زيادة وأعمال كنترول وبدون زيادة فى الفلوس
المستفادين بجد الكم الهائل من المستشارين إللى بيلهفوا الملايين كل شهر وليس المدرسين الغلابة إللى بيقبضوا الملاليم وبيتحملوا العمل فى مدارس متهالكة و فى فصول مكدسة بالطلاب وغير آدمية وبيتعرضوا يومياً لحرقة الدم مع الطلاب وأولياء الأمور مما أصابهم بأمراض الضغط والسكر والقلب ورغم ذلك مستمرون فى أداء رسالتهم ولم يشتكوا إلا لله وحده .
عرفت مين المستفادين يا سيادة الوزير ؟!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *